Is-Segretarju Parlamentari ghall-Anzjani u l-Kura fil-Komunita’ Mario Galea qal li l-popolazzjoni maltija qed tixjiħ minħabba titjib fil-mod ta’ l-għixien. Skont iċ-Ċensiment Nazzjonali 2005, dawk li illum ghandhom 65 sena jew iktar , jirrapprezentaw 14 fil-mija tal-popolazzjoni. Huwa kien qed jitkellem waqt Press Breafast fil-bini tar-Rapprezentanza tal-Kummisjsoni Ewropea l-Belt. L-attivita kienet b’rabta mas-Sena Ewropea 2010 fil-glieda kontra l-Faqar u l-Eskluzjoni Soċjali.

Mario Galea saħaq li kull investiment fl-anzjani huwa investiment fis-soċjeta’. Il-Gvern nieda strateġija nazzjonali permezz ta’ ftuħ ta’ ċentri u djar għar-residenti anzjani. B’kollox fid-djar tal-anzjani f’tal-Knisja, f’dawk privati u f’tal-Gvern hemm mas-7000 sodda.

Id-Direttur tal-Anzjani u Kura fil-Komunita’ Stephanie Xuereb, qalet li x-xjuħija mhijiex xi marda iżda esperjenza pożittiva, fejn permezz ta’ avvanzi li saru fir-riċerka, l-anzjani qed jgawdu minn ħajja itwal.

Madanakollu, l-marda tad-dementia, sitwazzjoni fejn jinxef il-moħħ b’kundizzjoni rriversibbli, hija marda qerrieda. Fl-Unjoni Ewropea tolqot ‘l fuq minn 6 miljun persuna. F’Malta hawn madwar 3,400 pazjent. Dan l-aħħar, infethu zewg swali fir-Respite Centre ghal persuni li jbaghtu bid-Dementia ta’ żewġ swali, fiċ-Ċentru San Vinċenz de Paule.

Il-problema tal-vjolenza domestika kienet tema oħra diskussa rigward il-faqar u l-esklussjoni soċjali fis-soċjeta’ Maltija. Iċ-Chairperson tal-Kummissjoni tal-Vjolenza Domestika Marceline Naudi, enfassiżat li din hija marda soċjali siekta u tħoss li mhux isir biżżejjed biex jilħqu ‘l dawk kollha li jgħixu fl-abbuż.