IL-GENSillum

Ħarġa 1161

Kummerċ u Ekonomija Kultura Sports Għawdex Avviżi Il-Ħajja Madwarna Reliġjon Divertiment u midja L-Ittri Tagħkom Aħbarijiet Vjaġġar

Editorjal

Fr John Avellino
Tbeżbiża iebsa!

Opinjoni

Ugo Mifsud Bonnici
Hawn min jaħseb li bil-kompjuter ħafna mill-għaqal u l-għerf tal-imgħoddi spiċċa l-valur tiegħu. Xejn minn dan. Il-bnedmin jibqgħu bnedmin. Anzi fuq l-internet ħafna mill-kotba tal-għerf iddistillat fl-aħjar imħuħ ta’ qabilna llum jinstab diġitalizzat.

Nikol Baldacchino
Irridu nammettu li li jkollok it-tfal u m’intix miżżewweġ m’għadhiex u m’għandhiex tkun xi ħaġa tat-twerwir. Imma rridu nistaqsu: jaqbel għas-soċjetà tagħna li dan il-pass qed jiġi aċċettat mhux aktar bħala ‘żball’, fejn żewġ żgħażagħ kellhom x’jaqsmu sesswalment bejniethom, għamlu ‘żball’ u t-tfajla spiċċat tqila?

John Bencini
Il-ħaddiema Maltin qed jistaqsu: imma x’inhu jiġri f’dan il-pajjiż? Għaliex l-affarijiet kellhom jaslu s’hawn? Għaliex dan il-Gvern, li fis-snin imgħoddija dejjem emmen bis-sħiħ fid-djalogu soċjali, issa donnu qed ibiddel ir-rotta?

Mario Tabone Vassallo
F’soċjetà fejn tintilef il-fiduċja, kollox isir iktar iebes. Biex titla’ sellum u tagħmel xogħlok, trid tkun torbot fuq li l-iskaluni mhux se jċedu bik. L-istess fil-ħajja, meħtieġ li wieħed jorbot fuq il-mexxejja; talinqas li jistqarrulu s-sewwa jekk ma jaslux jagħmluha.

Patri Mario Attard OFM Kap
Tgħid il-Papa Ġwanni Pawlu II ma kellux raġun biex ibigħ meta fiehem lill-grupp ta’ 12-il isqof Taljan li fittxu parir mingħandu fuq persuni li kienu qegħdin itellgħu pellegrinaġġi f’Medjugorje: “Ħallu lin-nies imorru Medjugorje jekk jikkonvertu, jitolbu, iqerru, jagħmlu penitenza u jsumu”?

Bust ta' San Ġorġ Preca f'Melbourne

Paul Vella minn Melbourne

L-Isqof Grech ibierek il-bust wara li ġie mikxuf.

Parti minn dawk li mlew il-kappella għal din iċ-ċerimonja.

6 ta'Marzu 2010

Maltin Awstraljani f’Melbourne dan l-aħħar kixfu bust ta’ San Ġorġ Preca fiċ-ċentru tal-komunità tal-Maltin f’Parkville.

Il-bust tal-ewwel qaddis Malti nkixef u kien imbierek mill-Isqof Malti Mons Joseph Grech, DD, li kkonċelebra quddiesa tal-okkażjoni flimkien ma’ saċerdoti Maltin. Iċ-ċerimonja saret nhar is-Sibt, 20 ta’ Frar, fil-kappella ta’ San Pawl, Parkville.

Madwar 160 membri tal-komunità Maltija mlew il-kappella għal din iċ-ċerimonja.
Preżenti, fost oħrajn, kien hemm il-Konslu Ġenerali ta’ Malta f'Victoria, Charles Mifsud, flimkien ma’ martu Anna Maria; Dr Clemente Zammit u martu Mary Zammit; il-President tal-Kunsill Malti ta' Victoria, Victor Borg flimkien ma’ membri tal-Eżekuttiv tal-istess Kunsill; Emmanuel Brincat, mir-Radju Komunitarju f’Melbourne 3ZZZ u martu Mary Anne Brincat; rappreżentanti ta’ diversi għaqdiet tal-Maltin, kif ukoll l-iskultur ta’ dan il-bust, l-artist Peter Corlett.

Preżenti wkoll kien hemm diversi membri mis-Soċjetà tad-Duttrina Nisranija -MUSEUM, fosthom is-Segretarju Ġenerali, Peter Judge, u s-Superjura Miriam Belli.

Mons Grech irrifletta fuq it-tifkiriet ta’ tfulitu meta ta’ tifel ta’ xi sitt snin huwa ltaqa’ ma' Dun Ġorġ, kif ukoll fuq is-silta mit-Tieni Ittra ta’ San Pawl lil Timotju, li ispirat lil San Ġorġ Preca biex iwaqqaf is-Soċjetà tal-MUSEUM: “U l-ħwejjeġ li smajt mingħandi fost ħafna xhud, għaddihom lil nies fidili, li għandhom ħila jgħallmu oħrajn ukoll.”

Huwa fakkar li ma kinetx ħaġa ħafifa meta San Ġorġ ġabar irġiel u nisa biex jgħallmu r-reliġjon, għaliex f’dak iż-żmien it-tagħlim tar-reliġjon kien fdat biss f’idejn il-qassisin.
F’kelmetjn tal-okkażjoni, il-President tal-Kunsill Malti ta' Victoria, Victor Borg, faħħar ix-xogħol tas-Soċjetà tal-MUSEUM u x-xogħol li jagħmlu l-patrijiet tas-Soċjetà Missjunarja ta’ San Pawl, li tmexxi l-kappella ta’ San Pawl.

« Ta' Qabel: Din il-ġimgħa l-Festival tal-Inbid ta' Delicata

Kummenti

» Ikteb kumment ġdid

There are no comments yet. Use the link above to add your own.